Royal Tuscan “Mi’kmawey A’tukwaqn Ujit Puklatmu’jk” Eptaqnk 1964

Wla newte’jk ta’n koqowey mu etlita’suatmu’tikuss MIC maw-lukutinew Royal Tuscan, Britishey ta’n ki’s sa’q nujia’tiji eptaqnk ta’n nenusnik ke’s mu matnaqkewaqninukuek ujit ta’n telitu’tij epatqnewey aqq wiaqa’tu’tij weltekl napui’kikn ujit ta’n telki’k wskwitqamu. Wla ta’n maw-lukutijik, Michael Francisewe’l wtnapui’kiknml na eweketasiksipp ujit wape’kik kopsik, eptaqnji’jk, mlakejuo’q, aqq sismoqno’q, siawa’sik wla Mi’kmawey napui’kikn ta’n tett etl-pukwelitasik koqowey.

Cover of the MIC catalogue, 1964, Provincial Archives of New Brunswick, Fredericton.

Spread from the MIC catalogue, 1964, Provincial Archives of New Brunswick, Fredericton. Responding to increasing demand and requirements from shops and buyers, this twelve-page catalogue was produced listing all of the MIC items for sale.

Eptaqnji’jk na waqame’kik aqq mu napui’kasi’kw, kiwto’qi-wi’kasik wapi-pkumanamu’k sans serifewui’kasik “Mi’kmawey A’tukwaqn Ujit Puklatmu’jk”. Wla ta’n tel-wi’kasik na wije’tkl a’ukwaqnn. Asukom te’sisnik eptaqnk ta’n napui’kasijik, stike’ ta’n Francis kisiapni Puklatmuje’k hasti-notesl ila’skuk, me’kita’suatasiknik ila’skuk ujit ta’n tel-napui’kasijik ta’n kisi-weketasik msit tamiaw.

Ta’n telankuetasik aqq kaqi-peykua’tasik wskwitqamukk na Hayward aqq Warwick tel-lukuesnik, kepmita’suasisnik eptaqnk ta’n weji-tua’tkitasik Upper Saint John, New Brunswick. Ta’n pem-tl-puatasik MIC ta’n koqowey kisitoq, na piley poqji-iko’tasik, kisitu’tiss newtiska’q je ta’pu te’sijik nipi’ji’jk wi’katikn 1964ek ta’n ewi’kasik msit koqowey ta’n kisitu’tij. Wi’katikn na wiaqtek Royal Tuscane’k eptaqnk. Wla ta’n tel-maw-lukutijik na nemitasik ta’n MIC wtnapui’kiknmual wejiaq ta’n mu nenasinukw we’kaw kaqi-peykua’tasik wskwitqmukk, tewa’tasik ta’n wejiaql Mi’kmawe’l a’tukwaqnn ta’n msit tami ela’tasikl.